شاطر
اذهب الى الأسفل
avatar
ghariba1
جميلة برونزية

جميلة برونزية
انثى
تاريخ التسجيل : 18/09/2014
عدد المشاركات : 1047
نقاط : 399

default حليوات العيد

في 10/2/2014, 14:15
المقادير

أربع بيضات، رابعة زبدة، جوج كيسان سكر كلاصي، جوج كيسان زيت، خمارة حمراء، ثمانية معالق نشا، الفاني أو قشور الحامض أو الليمون أو نسكافي أو نكهة من نكهات الفوكه أو الفلان المهم كل صابلي ديري فيه النكهة اللي جبيتي،و أخيرا الدقيق حسب الخليط عينك ميزانك العجينة تكون رطبة و نديرها في الثلاجة ترتاح واحد ساعتين أو أكثر ممكن تعجنيها من الصباح و تخليها حتى العشية و خدميها


الصابلي الأول هو صابلي الميرانغ بعد ما قطعتو على شكل قليبات دخلتو الفران مللي طاب لصقتو بالكونفتير و درت ليه في الجناب كاوكاو مهرمش و صايبت الميرانغ اللي هو عبارة على أربع بياض بيض مطرب مع رابعة سكر كلاصي و نديرو في الثلاجة حتى يعقاد و نزوق بيه الصابلي من الفوق و نعاود ندخلو الفرن ساخن لمدة دقيقة وحدة غير يشد الميرانغ راسو بلا منحمروه و منين نخرجو نعمرو وسط الصابلي بشوية الناباج ضفنا ليه ملون أحمر.


الصابلي الثاني اللي هو صابلي البطة نفس العجينة و نقطها على شكل بطة و نطيبو و نلصق بين جوج بالكونفتير و نعمر عين البطة بالشكلاط.
الصابلي الثالث هو صابلي بالكاكاو و القرفة هدا نسمتو بالكاكاو و القرفة و قطعتو على شكل قليبات و طيبتو و درت النصف ديالو الشكلاط .



الصابلي الرابع هو صابلي بالوردة قطعتو على شكل نصف دائرة و زوقتو بوريدة حمراء و وريقة خضراء و لصقت كل جوج بالكونفتير و دهنتهم بالنباج الفوق .
بالنسبة الغريبة المنمرة فيها : رابعة زبدة، زلافة سكر، مائتين غرام كاوكاو مقلي و مقشر و مطحون، اربع معالق كوك، زلافة زيت، ثلاثة خميرة حمراء، فاني، م صغيرة قرفة، الدقيق حسب الخليط



الطريقة:


: كنأخد شوية من العجينة و نلنو بالبني و شوية بالأصفر و الباقي نخليه أبيض كنورق البني و ندير حرابل من العجين الأصفر وسط منو و نقطعو بحال القريشلات و نورق العجينة البيضة و نحط فوق منها القريشلات ديالنا و نعاود نورق و نقلب العجينة و ندير الحشوة ديالنا و نسدوها من التحت كنخليها تبات عاد نطيبها و من بعد ندهنها بالنباج و ندير البريو.


مقادير الفقاص بالكوك

ثلاثة بيضات، كاس زيت، كأس كوك رقيق، كأس سكر، قبصة ملح، واحد خمارة، فاني، معلقة خل، معلقة كبيرة كونفتير، الدقيق حسب الخليط


الطريقة

نجمعو المقادير و نقسموها لأربع كرات و نعملوهم على شكل قطبان طويلة و ندهنهم بالبيض مع نيسكافي ندخلهم الفران غير يشدو راسهم نخرجهم و نغيطيهم بسربيتو فازكة و نخليهم يرتاحو و نقطعهم و نعاودو نحمروهم حسب الرغبة

و أخيرا صابلي الطبقات

حاجتنا كاس سنيدة، كاس الزيت، 4 بيضات، خمارة، معلقة كبيرة الزبدة، قشور حامضة محكوكة، معلقة كبيرة الكاكاو، الدقيق حسب الخليط

الطريقة

نخدمو البيض سنيدة الزبدة + قشور الحانقسمو العجين على 2 النصف نتركوه ابيض و النصف الثاني نضيف ليه معلقة كبيرة كاكاو نقسمو العجين على ثلاثة كرات جوج نخليهم بيضين و الكرة الثالثة نضيف ليها معلقة كبيرة كاكاو و نورقوهم من بعد نقطع على شل مربع أو مستطيل و ندخلهم الفران منين نخردهم ندهن من الفوق بالكونفتير و لا النباج و النصف ندير ليه الكوك و النصف الأخر فرميسيل
الرجوع الى أعلى الصفحة
صلاحيات هذا المنتدى:
لاتستطيع الرد على المواضيع في هذا المنتدى